Дзядуля Мароз завітаў у бальніцу з падарункамі!

Дзядуля Мароз напярэдадні свят не абмінуў Шчучынскую цэнтральную бальніцу. Маленькія пацыенты не засталіся без належнай увагі. З падарункамі да іх завіталі начальнік кіраўніцтва справамі райвыканкама Алена Вайцехаўна Шкіндзерава, першы сакратар РК БРСМ Анастасія Андрэеўна Цынгалёва, галоўны спецыяліст аддзела ідэалагічнай работы, культуры і па справах моладзі райвыканкама Анастасія Уладзіміраўна Міхалоўская, старшыня раённай арганізацыі ГА “Беларускі саюз жанчын” Святлана Уладзіміраўна Шанчук, і артысты РЦКіНТ – Дзядуля Мароз, Снягурка, Мядзведзь і Заяц.

Для дзетак госці падрыхтавалі цукеркі і падарункі. Знайшліся добрыя словы для бацькоў і людзей у белых халатах. Не абышлося без карагодаў, добрых песень, вясёлых вершаў і танцаў ля елачкі.